捧秘魯贏“玻”

捧秘魯贏“玻”

    美洲盃明早繼續有八強上演，兩支冷門分子玻利維亞與秘魯將會展開惡鬥，誓要更上一層樓爭奪四強一席位。

    兩隊近年交手可謂不相伯仲，近四次對戰亦以和局收場。如果計對賽往績，兩隊似乎難分高下，但睇返今屆雙方在分組賽表現，秘魯發揮相當不俗，應該可以較為睇高一線。始終玻利維亞平均人腳質素一般，初盤秘魯讓半球，不妨直博秘魯九十分鐘內贏“玻”。

    玻利維亞陣中只有三名外流球員，效力中超長春亞泰嘅摩蘭奴、瑞典哥登堡中埸達蘭斯，以及在土超聯賽嘅佩迪里，經已係球隊重心，其他球員只在國內聯賽效力。比起大部分球員在歐洲搵食嘅秘魯，級數明顯輸蝕。分組賽最後一戰更被智利大炒五球，脆弱防線表露無遺，玻利維亞應該八強止步。

    秘魯能夠與巴西及哥倫比亞兩支世界級勁旅在同組中殺出重圍，點都有一定實力。前鋒線有比沙路與古里路兩位老拍檔，默契成為最大殺傷力，對住玻利維亞條“豆腐”防線，要爭取入球唔難。秘魯四強在望。

    推介：秘魯2:1