史浩克客勝「博」得過   歐聯分組賽G組史浩克將造訪馬里博爾爭出線。史浩克一定要贏兼士砵亭輸先出到線，但無論如何佢哋都要先做好本份贏波，好在亨特拉爾同祖普莫亭先後喺對緬恩斯同史特加比賽大演帽子戲法，腳風咁順當然有助球隊達標。至於馬里博爾都有機爭個歐霸位，球隊之前亦主場迫和過車路士，唔係完全冇得打；只係論級數、戰意始終史浩克強啲，初盤讓球讓半、一依然係「博」得過。（周三8，香港時間周四3:45am開賽） 另要埋F組阿積士對尼科西亞。兩隊只係爭一個歐霸位，但尼科西亞分組5戰僅入過1球，攻力實在太弱，而阿積士有主場兼剛5球大炒威廉二世，讓半一都有計。（周三5，香港時間周四3:45am開賽）