利物浦入球細「特」醒   英超周六晚又見利物浦出場；正所謂若要生活好，勿買利物浦，所以即使紅軍呢場對手只係新特蘭，但就算送錢俾我都唔會買紅軍贏，何況佢哋嚟緊周中要喺歐聯打生死戰，領隊班頓羅渣士肯定會留力；新特蘭連戰車仔曼城後，今次再打利物浦相對輕鬆，當然都唔敢博客隊贏波，但既然一隊死守一 隊攻唔入，呢場梗係買入球細啦！（周六26，now622台周六11:00pm開賽） 新特蘭前仗和車仔守得淋漓盡致，周中雖不敵曼城，但就係先入波一方，奈何阿古路太犀利輸波無話可說，不過習慣晒打啲勁嘢，呢場對番紅軍應該守得更穩，而利物浦今季14場英超賽事，只有5場入多過兩球，周中大勝3:1只係李城貪勝不知輸，而且計落3球都唔係前鋒入，加上紅軍傷兵唔少，下周中要大戰巴素利，呢場留力下點可能會多波入。