千葉市原遇「神」殺神  日職聯附加賽見到千葉市原硬撼山形山神未免會覺得熟口熟面，其實雙方早前先喺日皇盃碰過頭，當時山神作客都贏到市原，可惜再對多次隨時會出現相反戰果！（周日3，有線61及201台周日2:30pm直擋） 其實雙方早就知道自己要踢升班附加賽，前仗山神喺留晒力嘅情況下作客都贏到市原就真係夠晒驚喜，點知佢哋喺上場附加賽要靠門將山岸範久喺補時階段頂入先至贏到磐田山葉晉級，贏得咁驚險又唔似係大勇。相反市原踢完日皇盃之後有成兩個禮拜時間休息，體力一定比山神為好，有傳早前受傷嘅森本貴幸可以復出落場，有佢夥拍住愛華頓甘比斯足以令到對手頭都大埋，下季應該可以同大家喺日職見面。