侯城主勝形勢明「朗」 冇錯對住紐卡素、車路士、阿仙奴，同埋韋斯咸連輸4場係情有可原，不過喺呢段時間僅入一球就絕對係唔合格嘞；講緊嘅正正就係西布朗，攻力咁弱今晚作客侯城隨時再輸多場！（周六25，now624台周六11:00pm直播） 由呢幾場敗仗就睇到西布朗真係完全唔識入波，似乎前鋒比拉希奴已經走緊下坡，不過就仲未搵到人接棒！相反侯城雖然係有辛迪加斯以及加斯頓拉美利斯唔出得，但係謝拉域、艾保靴南迪斯，甚至係湯馬士恩斯都冇病冇痛，前場尚算齊腳有力贏波。