祖雲達斯上盤「拿」手

祖雲達斯上盤「拿」手

意甲一哥祖雲達斯氣勢如虹，啱啱贏完打吡戰更加令到眾將信心爆棚，是役作客近況唔錯嘅費倫天拿都未驚過，難得足智彩有讓球盤，斑馬兵團讓平手、半球買上盤踐踏紫百合。（周五9，無綫網絡電視301頻道周六3:45am直播）

費倫天拿本來都近況唔錯，意甲連勝維羅納同卡利亞里，另外喺歐霸擊敗甘岡，取得3連勝，不過柏斯哥、貝拿迪斯治同埋基奧斯比羅斯會繼續倦勤，而且馬里奧高美斯雖然破咗入球荒，但平均效率依然好低，想攻陷祖記防線唔容易。
祖雲達斯近況比紫百合好一倍，因為佢哋呢期豪取6連勝，當中最重要梗係上周意甲擊敗拖連奴啦，派路完場前施展百步穿揚絕殺，助球隊勝出打吡戰，全隊目前士氣如虹，雖然保方有傷可能再度缺陣，右閘列治史迪拿亦需要停賽，但係斑馬兵團勝在板凳深度充足，絕對有合適人選替補，而且泰維斯、艾華路莫拉達同埋洛蘭迪三把尖刀可以落場搏殺，進攻能力有保證，正正係贏波關鍵，作客都完全唔使驚。
睇埋往績，祖雲達斯近6次作客費倫天拿取得3勝2和1負，上屆憑派路一箭定江山，以1:0力克紫百合，今屆祖記氣勢更盛，有望歷史重演，再開上盤益捧場客。