巴黎上盤「里」直氣壯

巴黎上盤「里」直氣壯

就算呢期聖日耳門贏到唔識停，主帥白蘭斯都唔會咁易鬆懈，事關外界盛傳施蒙尼將會空降巴黎，唔保持全勝走勢就同搏炒冇乜分別，作客里爾讓到半、一照樣去馬！（周三22，無綫網絡電視302頻道及now714台周四4:00am直播）

就喺呢幾日馬體會主帥施蒙尼暗示自己終有一日會離開球隊，而喺呢個訪問出街之後，外間就預測佢嘅下一站好有可能會係聖日耳門，始終呢支法甲豪門喺季初嘅成績平平，踢足半季都仲未爬到馬賽頭，又難怪會有咁嘅傳聞嘅。
不過主帥白蘭斯為保帥位自然唔會咁易鬆懈，特別係近期伊巴謙莫域復出，再加埋卡雲尼、拿維斯、盧卡斯洛迪古斯等人，甚至連柏斯托尼都開始冇位踢就知道今晚作客里爾好難會冇波入！
再從另一個角度出發，主隊里爾近季當旺都唔敢話佢哋能夠阻塞到聖日耳門，更何況今季呢隊波嚴重走樣，過往佢哋嘅入球量已經唔高，今季奧歷治一冇波入所有問題就立即浮現出嚟，所以聖日耳門作客讓到半、一都冇得唔捧。

波爾多作客平手盤摘「梅」

同樣近期走勢唔錯嘅波爾多就會作客梅斯！留意波爾多喺近6戰贏足5場，只係前仗作客不敵榜首馬賽，不過有睇到場波都會戥佢哋輸得唔抵，表面上佢哋以1:3大敗喺馬賽腳下全失3分，實際上係守到85分鐘先至反輸，就算輸波都可以接受；再計埋其餘賽事，波爾多總算贏到圖盧茲同埋里爾，今次作客冇乜走勢嘅梅斯只係開平手盤絕對要得過。（周三10，香港時間周四2:00am開賽）