拿玻里上盤獲「利」

拿玻里上盤獲「利」 

拿玻里季初不濟丟失歐聯分組賽位置，不過球隊係有實力，到11月已迅速打回應有水準，相對森多利亞季初勇到不得了，但被破不敗身後近6場僅取1勝，今晚客軍作客都讓平半已見信心，上盤值博。（周一13，無綫網絡電視301頻道周二4:00am直播）

森多利亞都算今季意甲神奇球隊，打到第9周先輸第一場俾國米，但要留意一樣嘢，佢哋季初咁順，好大程度上同對手弱有關，球隊季初所贏嘅球隊中，分別只為阿特蘭大、熱拿亞及基爾禾等，到面對國米、A米、羅馬等最多都只係和波，似乎呢隊森多利亞已經打回原形，而且季初不斷取得入波嘅加比亞甸尼，近5場都冇1球進帳，戰績下滑都無可厚非。
拿玻里情況幾乎同森多剛相反，佢哋季初一度試過3場不勝，不過自從9月尾擊敗薩斯索羅之後，喺聯賽已經未嘗一敗，尤其射手希古恩喺對維羅納一役重拾射門鞋後，對上6戰並轟入7個入球，所以完全唔需要擔心拿玻里今場火力問題。

拿玻里作客食住森多

兩隊今場傷兵問題唔算嚴重，算係可以強陣出擊，不過有一點拿玻里可以話佔大利，就係原來對上3次佢哋作客森多利亞，竟然取得全勝成績，而森多利亞更加係近4年都未贏過拿玻里一次，難怪兩支排名接近嘅球隊對碰，竟然係客隊反讓平半，不過睇埋以上數據，似乎拿玻里要波盤齊贏都唔算太難。