偷“森”者拿坡里

偷“森”者拿坡里

意甲榜首之位爭持激烈，祖雲達斯與羅馬叮噹馬頭，由第三至第六位置同樣你追我趕，一場波隨時要執位。正如今日介紹森多利亞對拿坡里，更是爭取下季踢歐冠“財路”之爭。

森多利亞目前少拿坡里一分排第四，只要贏波就可以壓倒對手升上第三。雖然今仗佔有主場之利，但近六戰只得一勝，上場能夠逼和排尾二嘅切辛納，都係靠對手一個烏龍波，反映出球隊狀態屬於一般。較為突出只有新晉意大利國腳奧卡卡及攻擊手加比亞甸尼。球隊十二場聯賽只入十五球，係前列球隊中入球最少一隊，如果計火力已輸畀拿坡里。此外，雙方近六次對賽，森多利亞只得一和五負未贏過，當中包括三次主場都輸波，今戰確實毫無優勢可言。

講攻力，拿坡里的確優勝得多，希古恩唔需多介紹，西班牙射手卡利祖一樣咁煞食，以八球守住意甲射手榜第二位。呢兩位前皇馬攻擊手入球總和，等於森多利亞總數。所以初盤拿坡里讓平手／半球，都要揀拿坡里食“森”。

推介：拿坡里2:1