祖記三分冇甩“拖”

祖記三分冇甩“拖”

意甲明日又有搶分大戰，榜首的祖雲達斯將主場迎戰拖連奴，次席的羅馬同樣主場硬撼國際米蘭。兩隊目前祇有三分距離，失分一隊將直接影響榜首形勢。

意甲班霸祖記開季至今於聯賽祇得一場敗仗，氣勢強橫。今仗主場迎戰下游的拖連奴，三分已成囊中物。前皇馬球員摩拉達加盟半季後已開始與球隊磨合，近幾場賽事均能取得入球，為前線增添不少火力；後防同樣出色，在捷連尼及邦路斯等人把關下今季只失四球，面對攻不強守不穩的拖連奴想輸都難。雙方過去五次碰頭祖記以全勝姿態跑出，過去五場賽事“老婦人”已豪取五連勝，反觀拖連奴則一場都未贏過，高下立見。祖記今場祇要贏波，即可達成主場廿五連勝。後防邦路斯表示球隊冇輸波理由：“今場比賽對我們來說非常重要，我們全隊都會全力以赴，要以贏波來紀錄主場廿五連勝之餘，亦要繼續穩坐榜首之位。”

羅馬迎擊國米

另一場由羅馬硬撼勁旅國際米蘭，兩隊近況同樣冇得比。次席的羅馬僅比祖記略為遜色，實力依然強橫，今仗於惡慣的主場出擊，國際米蘭相信凶多吉少。更慘是國米未開波已先內鬨，卅四歲老將甘柏拿路公開批評文仙尼：“雖然我年齡較大，但作為後防球員更需要的是經驗。新球季至今我祇上陣三場，兩場在歐冠，一場在意甲。長友佑都受傷後，我希望得到更多上場機會。”