馬拉加「細」稱「皇」

馬拉加「細」稱「皇」
 
皇馬周中歐聯作客巴素利，如非主隊把握力太差，連勝紀錄早已中斷，顯然冇咗莫迪歷對球隊攻守串連影響巨大，馬拉加今季主場未嘗一敗，過去6戰贏5場，當然買盤未免太冒險，信佢哋守得穩買「細」。（周六71，無綫網絡電視13頻道、now630及632周日3:00am直播）

皇馬喺過去呢15場連勝紀錄入面，就只有3場喺歐聯嘅勝仗贏唔到盤，而球隊之所以同季初有咁大分別，在於安察洛堤喺中場位置搵到最啱配搭，當中防中位置以莫迪歷及卻奧斯控制節奏，進攻中場用上突破力強嘅艾斯高或占士洛迪古斯，配合前線C朗及賓施馬不斷穿插製造入球，效果的確明顯。
但呢套陣式嘅核心，正正係重創缺陣嘅莫迪歷，要知道皇馬轉守為攻時，卻奧斯冇引球上前場能力，防守上亦甚少作埋身緊迫，呢啲工作大部分都係莫迪歷一人搞掂，所以上場歐聯冇咗呢個克羅地亞中場，皇馬組織上已經冇咗流暢性，可以預期打後幾場賽事入面，入球數字會比之前少好多。

馬拉加曾完封巴塞

馬拉加今季都算神奇，球會冇錢增兵下竟然都可以打到上第六，如果唔係上場作客不敵更強嘅馬體會，個不敗紀錄唔比皇馬失禮。事實上，佢哋今季真係唔係負碌，過去6場主場賽事未嘗一敗，當中係連巴塞都咬佢哋唔入，而嗰場波仲記得，巴塞係全場冇幾個中龍埋門，可見馬拉加立心守你，的確稱得上穩陣，而過去3季皇馬作客馬拉加，取得2勝1負，但贏波都只係僅勝1:0，似乎今場就算贏都好難贏得多，3.5球中位數必捧入球細。