曼聯讓主「城」竹在胸

曼聯讓主「城」竹在胸

現時英超第4到10位只僅差兩分，講邊隊第4為時尚早，只係曼聯呢一周主場對侯城，肯定係拉開優勢大好機會，今場曼聯有多名傷兵有可能趕及復出，似乎要輕勝侯城難度唔大，買硬「讓主」。（周六29，now621台周六11:00pm直播）

侯城上周非常唔好彩，喺領先而且大好形勢下，下半場打少個被熱刺反勝，近3場英超輸晒，而且今場更有加斯頓拉美利斯停賽，的確係賠了夫人又折兵，當然佢哋今季嘅增兵同上季打入足總盃決賽嘅實力，今季要護級毫無問題，但短期內要作出反彈似乎唔易。

法卡奧復出紅魔火力增

曼聯今季大換血，到近期一兩場真係開始見到有隊形，上場作客阿仙奴贏波雖然係有運，但向來佢哋都係運氣實力兼備，上場轉運或多或少代表已走出谷底，而對曼聯嚟講，真係唔怕你對手幾強，唯一煩惱只係隊中啲傷兵，今場兩大青訓產品泰萊布力基及麥尼亞應又要齊齊鎮守後防，楊格可能串演左閘；不過好消息係法卡奧星期一已復操，今場唔正選都後備，睇落曼聯火力絕對彌補到差劣防守，主場出擊贏兩球唔難。