墨爾本勝利一定「德」 墨爾本勝利同埋阿德萊德聯最近個勢都好勁，今日交手惡戰難免，不過墨爾本勝利嘅攻守表現比較穩定，而且冇乜傷兵，主場出擊點都秤高一線，小讓平手、半球唔過份，上盤一定「德」。（周五1，有線64及203台周五4:40pm直播） 上周澳職賽事，墨爾本勝利靠布里斯班獅吼球員擺烏龍，驚險地以1:0取勝，雖然表現唔算有霸氣，但始終保持不敗，亦可見佢哋有幸運之神眷顧，而最重要係勝利嘅陣容好完整，傷兵只係得迪比亞同埋尼高拉斯安素，排陣當然輕鬆啦。阿德萊德聯嘅近況亦唔錯，上周作客中岸水手都照贏2:0，不過佢哋嘅傷兵就比較多，卡路斯卡、甘馬倫屈臣、迪捷特、佐敦艾斯，仲有禾蘭都會倦勤，而且近3次到訪墨爾本勝利都輸晒，所以上盤少讓平手、半球好抵玩。