拿玻里客勝「布」佳音   係人都知道拿玻里喺季初嘅成績麻麻，不過當時佢哋都照贏布拉格斯巴達，依家成隊波都已經走出谷底，再對多次就更加唔會放對手喺眼內，呢口客W點睇都唔似有問題，有2.2倍咁好分頭，放心去馬。（周四7，有線64及203台周五2:00am直播） 季初，拿玻里嘅成績差到賓尼迪斯都幾乎人頭落地，不過佢哋照贏布拉格斯巴達就見到級數始終都係高過對手；經過一輪掙扎之後，近期拿玻里已經有明顯好轉，喺近6戰贏到4場，當中希古恩同埋約拿芬迪根斯文喺呢幾場波都有入球，仲未計咸錫同埋荷西卡利祖都係恐怖分子，左計右計就算包埋作客不利因素都有能力再贏多對手一次！再睇埋拿玻里同埋布拉格斯巴達喺I組同分要爭首名，「6分波」咁關鍵冇乜放水空間，信「盃賽專家」賓帥唔係浪得虛名！