些路迪下盤「薩」無赦

些路迪下盤「薩」無赦
     
歐霸D組兩支榜首次名球隊正面交鋒；些路迪季初稍稍走樣，到近期贏吓贏吓已經喺蘇超上番第一位，睇嚟又係時間可以分吓心打歐洲賽，而薩爾斯堡一向打歐霸都好勁，不過離開主場即打折扣，要留意些路迪今場一定要贏至鎖定出線資格，主場喜獲受讓平半更加超值。（周四21，有線63台周五4:05am直播）
薩爾斯堡喺D組已經出線，向來歐霸球隊都唔一定有決心爭首名，今仗未必擺強陣到訪蘇格蘭。而事實上，今季薩爾斯堡似乎冇早幾季咁犀利，因為過去佢哋喺國內的確冇敵手，但近戰見佢哋喺本地盃賽及聯賽都失利，加上首循環僅以2:2賽和些路迪，反映薩爾斯堡今季實力稍為減弱，今場作客更加唔樂觀。
些路迪季初曾有過低潮，但近期8戰7勝，包括喺歐霸兩連勝，球隊狀態好之餘信心亦返晒嚟，更要留意些路迪季初狀態平平時都有力迫和薩爾斯堡，今次返主場對方似乎更可睇高一線，盤口上因應薩爾斯堡過去賽績主隊竟獲受讓，的確好難唔買。