維拉利爾主勝「加」注

維拉利爾主勝「加」注
     
歐霸A組賽事本來甚明朗，不過上輪維拉利爾不敵蘇黎世後，令呢組極可能要鬥到最後一輪至決定到兩個出線席位。形勢上，只要今場維拉利爾及慕遜加柏任何一隊贏波，都會穩奪出線席位，不過慕遜近況一般，下輪對手亦只係阿波羅利馬素，似乎毋須急於今場贏波，一於捧戰意較佳嘅維拉利爾更划算。（周四14，有線64及203台周五4:05am直播）
維拉利爾上周喺西甲擊敗基達菲，總算終止5場不勝走勢，而事實上，今季「黃色潛艇」一直發揮穩定，就算季初一輪低潮，球隊都保持每場有入球，而且要留意上場擊敗基達菲時，維拉利爾刻意收起卡尼及莊拿芬杜斯山度士，明顯有心為今戰留力，咁有決心點可以唔信佢哋。
慕遜加柏兩連敗，尤其上場佔主場之利，領先下竟被法蘭克福反勝更為洩氣，而現階段佢哋喺歐霸手執7分，即使今場輸咗而蘇黎世贏波，慕遜加柏最後一場只係主場對同組最弱嘅阿波羅利馬素，真係可以留番下場至輕鬆攞3分出線，預期客隊今戰都未必擺強陣，維拉利爾主勝穩陣。