熱刺讓主「柏」案叫絕   唔好以為歐霸盃只係籮底橙，熱刺主帥普捷天奴就當正呢隻盃仔係護身符；目前佢哋仲要同比錫達斯爭分組首名，難得只係喺主場對住柏迪遜梗係唔會留手，誓開1.68倍讓主剋「迪」！（周四19，有線61及201台周五4:05am直播） 早喺上個月就睇穿晒普捷天奴成個部署，聯賽頻頻失分自然要喺歐霸發威，打後果然立即雙殺卓普利斯挽回唔少聲勢，目前喺C組仲攞住8分同緊比錫達斯爭小組首名。 留意佢哋喺分組煞科戰正正就係要面對比錫達斯，作客土耳其一向唔易踢，換言之今晚對住柏迪遜點都唔可以失分，否則去到32強遇到勁旅就前功盡廢，預計近期當旺嘅新秀哈利卡尼、查迪尼、基斯甸艾歷臣等人都會被派落場，忘記雙方喺首回合踢成平手啦，呢口「讓主」肯定剋「迪」。