禾夫斯堡「愛」鬥大

禾夫斯堡「愛」鬥大
     
歐霸死亡「H」組賽事，愛華頓只要喺今戰擊敗禾夫斯堡，就可以鎖定首名資格，從而盡量避開一眾由歐聯降格球隊，不過禾堡今場其實亦一樣唔輸得，因為一輸最後一場對里爾就變成生死戰，睇嚟兩隊都唔想夜長夢多，呢場波分出勝負機會極大，一於買入球大睇好戲。（周四5，有線61及201台周五2:00am直播）

禾夫斯堡上仗前一度保持8連勝走勢，直到上場作客史浩克04先至以2:3落敗，不過唔好以為佢哋士氣被一鋪清袋，上場佢哋一度落後0:3，最後追到2:3落敗已見佢哋鬥志，要留意佢哋今季打到着晒火嘅奇雲迪希尼及奧歷等全部可以上陣，連「中堅賓」賓特拿都連場有入波，愛華頓現時防線有多名主力缺陣真係肯定守唔住。

愛華頓未必盡出主力

愛華頓對上7戰取得4勝，明顯已從季初低谷走出來，而球隊打番出應有水準，盧卡古重拾射門鞋最為關鍵，要知道愛華頓近4場勝仗，盧卡古都有份入波，如佢今場又有進帳可能真係繼續帶俾愛華頓好運；之不過有一點要注意嘅係，易搏贏之前都講過，領隊馬天尼斯喺呢個歐霸盃取向，係主場博殺客場就出副選，換言之盧卡古等可能先列後備，由伊度奧等先上場，而聯賽有傷避戰嘅班尼斯都未必復出，後防仍用上迪斯甸當然不穩，隨時上半場被禾堡連番攻陷，下半場換人後可能追得番比分唔奇，但今場真係勝負難料。
禾堡盤口上讓至半一，但愛華頓絕非弱旅肯定博唔過，買下盤更加唔穩陣，今場信任兩隊都有不俗把握力，入球大最值博。