紅軍上盤「格」殺勿論

紅軍上盤「格」殺勿論 
 
正所謂物極必反，利物浦已經4連敗，衰到落谷底，係時候要打翻身戰，今晚喺歐聯B組作客盧多格德斯，點都要贏波攞3分兼慰藉球迷，足智彩開讓球盤，紅軍讓半球、一球上盤一定「德」。（周三10，有線64及203台周四3:45am直播）

盧多格德斯今屆歐聯有僅負皇家馬德里同埋利物浦嘅紀錄，不過佢哋嘅表現仲係好飄忽，以兩戰巴素利為例，主場一役小勝1:0，但作客就慘敗0:4，呢支歐聯初哥明顯仲未適應節奏。咁又好難怪佢哋嘅，畢竟保加利亞聯賽唔係頂級，稍為聽過嘅球隊只得索菲亞中央陸軍同埋查洛摩亞，長期喺咁嘅環境之下，想進步都難。其實盧多格德斯嘅傷兵唔算多，是役仲有米利夫復出，不過全隊平均質素參差，始終信唔過。

巴神復出拍林拔攻堅

利物浦上周英超不敵水晶宮1:3，全隊表現俾人鬧到體無完膚，更有傳領隊羅渣士短期內會下馬，換轉你聞到魷魚香，你都會醒醒定定啦！雖然史杜列治一傷再傷，短期內都難望復出，不過巴洛迪利就已經再度投入操練，是役會跟隨大軍開赴保加利亞，外界同時預料巴神會復出夥拍列基林拔攻堅，佢兩個一剛一柔，呢個配搭隨時更有驚喜，即管睇下呢對黑白配有咩火花。
足智彩開讓球盤，利物浦係時候物極必反，頹勢都要讓半球、一球，莊家擺明引你買盧多格德斯，唔信邪繼續捧紅軍，今次上盤一定「德」。