利華上盤「納」入正軌

利華上盤「納」入正軌 
 
歐聯C組今晚上演榜首大戰。主隊利華古遜已經有9分喺手，今場和波都肯定出線，但為穩陣計肯定想借主場之利搞掂摩納哥以免夜長夢多，初盤開到讓半一更添信心。（周三11，有線63台周四3:45am直播）

利華至今喺分組賽3勝1敗，雖然正正係作客輸咗俾摩納哥，但球隊今季喺歐聯演出始終俾到人信心，加埋近況上球隊啱啱先作客3:1大勝漢諾威，就連傑斯寧都打破859分鐘德甲唔入波數據，成班球員狀態都唔錯，而利華今晚亦僅得柏柏杜普路斯同埋連拿迪斯兩名傷兵唔打得，初盤讓半球、一球係莊家信心表現，可放心捧場。
摩納哥依家分組排第2，如果今晚贏到，下一輪就可揸住極大優勢博晉級；問題係，摩納哥近8場正式比賽僅兩勝，對手只係伊維恩同巴斯蒂亞，再講主力殺手，曾喺2001至2006年期間效力利華嘅貝碧托夫，已經數唔清有幾耐冇入過波，近況咁差難免連累埋摩納哥，梗係信唔過啦。