专家拆局：伐木者硬淨唔赦海湾者

伐木者硬淨唔赦海湾者

听朝美职有西岸前列对决，榜首西雅图海湾者主场恶斗排次席的波特兰伐木者。伤兵满营嘅海湾者近期明显跌Watt，反观伐木者近8仗联赛仅1败，今场唔赦海湾者，受让必捧让球客胜。

查实双方依家同分，打少1场嘅海湾者以较佳得失球暂居西岸榜首，不过佢哋劲多伤兵，除咗丹尼利华、祖云锺斯、特雷梅斯续抖外，前锋雷迪亚斯早前确诊新冠肺炎，自10月头为秘鲁出战热身赛对巴拉圭后，需要隔离而未有披甲，今仗未必赶得及复出，冇咗呢位已入9球嘅首席射手，佐敦摩利斯喺前线孤掌难鸣，海湾者亦开始走样，近2仗联赛只得1和1负，令人失望。

攻击点多火力全开

伐木者虽然近况有啲回落，同样近2仗不胜，不过佢哋胜在攻击点分散，菲腊比摩拉、伊保比斯、尼斯高达及华拿里轮流发威，合共入咗27球，可见佢哋火力全开。

睇番伐木者近8仗联赛取得5胜2和仅1败，若果单计作客，佢哋开咧9仗5胜2和2负，係西岸客场成绩最好嘅球队，硬淨唔易输，为争西岸1哥之位唔会脚软，今场受让一于捧让球客胜。

此文章内的所有观点和内容皆为作者个人意见，并不代表999体育观点；文章所示的任何数据和资料仅供合法中国体育彩票参考及交流之用。

任何公司或自媒体如需转载，请标注“转载自999体育”，严厉打击任何抄袭行为，我们将保留法律追究的权利！