专家拆局：波斯尼亚未回气吼细盘

波斯尼亚未回气吼细盘

今晚A1另一场「双波战」，波斯尼亚主场斗波兰。波斯尼亚仲要靠老将迪斯高孭飞，4日踢2场未必回得切气；波兰冇咗神锋罗拔利云度夫斯基，锋力打折扣，佢哋近3场欧国联作客全开2球或以下，今场捧2.5球入球细。

受到疫情影响，今次欧国联咁啱喺几大欧洲联赛开咧前进行，除法甲开咗波，英超同西甲本周就揭幕，跟住到意甲同德甲，各国领队唔多唔少都有啲压力，球员踢落都就住就住，尤其部分实力稍次嘅球队，通常要靠一、两位球星孭飞，所以第2场欧国联大家抱住咩心态应战，好影响赛果。

波斯尼亚同波兰正正係呢类球队，波斯尼亚要靠罗马前锋迪斯高，波兰就倚赖拜仁神锋罗拔利云度夫斯基。波斯尼亚上场爆冷打和意大利，就係由迪斯高先开纪录，但呢位队长成34岁，4日踢2场体力要求好高，肯定难顶。

波兰缺罗拔仔亦哑火

上月底踢完欧联决赛嘅「罗拔仔」获波兰批准休息，可惜冇咗呢位神锋，波兰变咗冇牙老虎，上场对荷兰全场捱打输0比1，控球率得36%及2次射门，今场都恶唔出样，佢哋近3场欧国联作客全开细，可以续追。

此文章内的所有观点和内容皆为作者个人意见，并不代表999体育观点；文章所示的任何数据和资料仅供合法中国体育彩票参考及交流之用。

任何公司或自媒体如需转载，请标注“转载自999体育”，严厉打击任何抄袭行为，我们将保留法律追究的权利！