热刺回勇破宫攞尾彩 仍要为欧霸盃资格努力嘅热刺煞科战作客水晶宫。水晶宫连输7场「等收工」，热刺可望赢波攞尾彩，让一球上盘可敲。 卡尼重拾佳态 热刺暂以37战58分排第7，只比排第6位嘅狼队少1分，为抢欧霸资格战意旺盛，佢哋近3场联赛愈战愈勇，先后击败阿仙奴及纽卡素，上场更以3比0大炒李斯特城，王牌哈利卡尼连续2场梅开二度，逐渐回复最佳状态。 已「上岸」嘅水晶宫大踢风流波，近7场联赛全败，当中6场「食白果」，点会唔令人担心。睇埋往绩，热刺近年喺呢个「伦敦打吡」对碰佔尽优势，近7次联赛对碰全胜，让一球捧上盘坐走望赢。