聖保羅平盤有「希」望 世界盃結束後巴甲正式重開，其中聖保羅會作客對住巴希亞。講排名同級數聖保羅本身已經有優勢，球隊最近仲成功借用舊將兼前世界足球先生卡卡，雖然佢狀態未足未必可以落場，但對球隊士氣肯定有幫助。 主隊巴希亞受財政等問題所限，注定係要喺下游位置浮沉，最慘係球隊喺世盃展開前陷入低潮，連續輸晒4場比賽失足12分，喺冇證據顯示佢哋會反底之下，捧客隊着數。（周三11，香港時間周四9:00am開賽） 同時間法林明高主場會對帕拉尼恩斯。法軍今季又係唔知做乜戰績咁低沉，依家跌到落第19位，最慘賽前仲有厄瓜多爾國腳中堅伊拉素離隊，咁都仲要讓近8戰僅1敗嘅帕拉尼恩斯唔值，必撐下盤。（周三13，香港時間周四9:00am開賽）