慘！兵工廠中堅重傷或提早收咧阿仙奴中堅柏保維拿上場英超對曼城，踢咗24分鐘，就受傷退下火線，根據英國《鏡報》最新消息指，呢位26歲西班牙守將足踝韌帶嚴重受傷，可能需要開刀，意味隨時緣盡今季餘下賽事。阿仙奴領隊阿迪達話：「柏保維拿現時正接受傷勢評估，情況真係唔多樂觀。」柏保維拿今年1月由巴西勁旅法林明高外借去阿仙奴，兵工廠有權於今夏買斷佢，但柏保維拿現時受重傷，阿仙奴管理層可能放棄收購。由於柏保維拿傷養，加上大衞雷斯上場被逐，需要停賽2場，阿仙奴周六(20日)晚英超作客白禮頓，後防又陷入危機之中。