禾確特腹部開刀　無緣默郡打吡愛華頓翼鋒禾確特周一突然進行腹部手術，已順利完成，需要休息1個月，將錯過英超重開多場賽事，包括6月21日主場對利物浦嘅默西賽德郡打吡。31歲嘅禾確特在球隊操練期間，突然發現腹部問題，已於周一開刀治理，手術後佢亦喺社交網報平安，多謝大家關心，不過呢個手術就令佢缺陣一段時間。除咗禾確特，愛華頓仲有幾位傷兵，包括安祖高美斯、耶利文拿、桑基巴文，其中安祖高美斯據報已無大礙，默郡打吡戰可以候命。