開7年新約兼加薪　紅軍綁VVD到掛靴

開7年新約兼加薪　紅軍綁VVD到掛靴英國傳媒報道，利物浦打算同華基爾雲迪積克續約，並且好有誠意，為呢名荷蘭國腳開出一份為期7年、周薪超過20萬鎊嘅長約，實行綁死VVD，希望以佢為基石打造紅軍盛勢。如果VVD選擇續約，佢就會喺晏菲路踢到35歲，差唔多掛靴。華基爾雲迪積克現時周薪為12.5萬鎊，另外奪冠等會有額外獎金，而且仲有出場次數有關嘅500萬鎊忠誠金，VVD同利物浦的合約到2023年夏天到期，紅軍為留住佢，已經做好加人工續約嘅準備。新約如果計埋入波獎金和零封獎金等，總價值可能超過了8,000萬鎊。28歲嘅華基爾雲迪積克，2018年1月以7500萬鎊由修咸頓轉投利物浦，當時雙方簽約5年，呢名荷蘭國腳加盟之後，改善咗紅軍後防漏洞，舊年為利物浦贏得歐聯冠軍，今季英超亦遙遙領先，首個英超錦標亦指日可待。