車路士今夏換血名單　砌出11人強陣

車路士今夏換血名單　砌出11人強陣車路士今夏決心換血，希望重整陣容挑戰英超冠軍，不過該隊所出售嘅人腳都係星光熠熠，11位球星可以砌出1個強陣，以呢批「落車」人腳，已經具備爭標實力。車路士喺3季前在干地帶領下奪得英超冠軍，之後1季再贏足總盃，上季在沙利領軍下贏歐霸盃冠軍、聯賽盃入決賽，因此其實車路士人腳底蘊仍在，不過今季由林柏特執教，會方決心換血重組，因此才會有咁多球星離隊。睇番車路士呢個離隊陣容，可謂實力強勁，絕對有能力打入英超前10甚至前5，計有阿列沙巴拿加、馬高斯阿朗素、葛特蘇馬、沙柏哥斯達、佐真奴費路、泰莫爾巴卡約高、柏度洛迪古斯、巴克里、韋利安、艾華路莫拉達、巴舒亞伊。不過車路士準備新簽球員仲勁，計有RB萊比錫嘅迪姆華拿、阿積士薛耶治、李斯特城芝維爾，林柏特嚟緊仲會繼續賣人，組成全新陣容。