西甲重開玩新科技　「吉場」都有觀眾西甲下周四（11日）重開，雖然話係閉門作賽，但賽會好努力為球迷諗啲新搞作，希望大家睇得過癮啲，據《馬卡報》報道指，西甲轉播時會採用新科技，令到球場坐無虛席。報道以「西甲帶埋觀眾回歸」為標題，原來指西甲嘅轉播商Mediapro會用3D技術，將「吉場」變得人山人海，呢個系統可以睇到虛擬球迷，仲要聽到球迷喺球場嘅噪音，亦有興奮時候嘅聲音。轉播商會用兩個平行頻道，可以將喺「吉場」比賽嘅球員同虛擬球迷結合。西甲球隊喺禮拜三開會已同意，每個比賽場地都安裝呢個技術設備，到時睇直播嘅球迷，可以感受下。