葡超:博維斯塔主場降摩

博維斯塔主場降摩今晚葡超上演一場中游球隊對決，博維斯塔主場迎戰摩里倫斯。兩軍實力不相伯仲，不過博維斯塔近年主場專恰摩里倫斯，主隊小讓平半，信往績撐上盤。（周日凌晨4時15分開賽、馬會網上文字直播）博維斯塔與摩里倫斯2支球隊雖然成績相近，卻屬於唔同風格嘅球隊，博維斯塔今季24戰僅入19球，失球亦只有23球，鋒力唔強但防守力唔錯，踢法屬穩陣派。至於摩里倫斯今季入34球、失32球，踢法較開放，不過佢哋今季12場作客聯賽僅得1勝，作客成績排聯賽榜下游，經過停擺後，能否及時回復十足狀態真係未知數。摩里倫斯往績輸蝕睇埋往績，今季首循環交手，摩里倫斯主場同博維斯塔踢成1比1，不過對上5季，博維斯塔主場鬥摩里倫斯錄得4勝1負，當中近3季全部贏晒，證明博維斯塔嘅穩陣戰術可以剋住踢法進取嘅摩里倫斯，主隊讓平半捧上盤。