意大利盃再提前　最快6.12有得睇C朗

意大利盃再提前　最快6.12有得睇C朗意甲落實6月20日重開，賽會希望在聯賽重開前，盡快完成意大利盃餘下賽事，包括4強次回合同決賽，意大利傳媒報道，意大利盃4強次回合祖雲達斯對AC米蘭，將於6月12日舉行，到時就可以見到C朗踢波，而唔係睇佢賣底褲。意大利《天空體育》報道，2場意大利盃4強次回合，都會提早舉行，希望盡快踢晒盃賽，令之後重開嘅意甲進度更暢順，消息指，祖雲達斯對AC米蘭於6月12日(周五)舉行，另一場拿玻里對國際米蘭，就會喺6月13日(周六)上演。意大利盃決賽，將於6月17日(周三)在羅馬舉行。在賽事重開前，祖記球王C朗推出其底褲品牌最新宣傳，就係展示2個C朗模樣嘅模型，1個叉腰嚴肅，另1個作嬉笑狀，配合意大利足球回歸，呢個底褲品牌勢必熱賣。各聯賽及主要錦標最新進展1.西甲、西乙：落實6月11日重開2.意甲：落實6月20日重開，6月12日踢意盃3.瑞超：6月14日開咧4.挪超：6月16日開咧5.英超：落實6月17日重開、英足盃6月27日開打6.英冠、英甲：英冠6月20日重開、英甲未定7.俄超：落實6月21日重開8.美職：計劃6月24日復賽，正考慮新賽制方案9.日職、日乙、日聯盃：落實日職7月4日、日乙6月