法甲神鋒願投熱刺　一個條件激死寸王！法甲球會里爾今季打起咗尼日利亞前鋒域陀奧森漢，呢位21歲射手喺法甲腰斬前入咗13球同尼馬睇齊，表現獲得一致好評，雖然身價已經高達5,000萬英鎊，但熱刺對佢仍非常有興趣，加入同拿玻里、阿仙奴等球會搶人。域陀奧森漢嘅經理人艾里奧日前接受尼日利亞媒體訪問，承認佢對熱刺嘅斟介有興趣，但轉會前就有一個條件。艾里奧表示：「我同摩連奴(熱刺領隊)講，如果佢想簽域陀奧森漢，係咪會賣走哈利卡尼？哈利卡尼係熱刺同英格蘭隊長，如果佢仲留隊，域陀奧森漢肯定會做後備，而佢需要去一間可以每個星期做正選嘅球會。」