辛祖要爭取表現　多蒙特大有睇頭周日（31號）焦點賽事，梗係德甲尾場柏達邦主場對多蒙特。多蒙特啱啱周中喺國家打吡輸畀拜仁，爭標機會渺茫，但佢哋前四位置未穩陣，為保住下屆歐聯入場券，唔會放軟手腳，而箭頭艾寧夏蘭特受傷，正好畀機會查頓辛祖爭取表現。包尾嘅柏達邦近況有起色，連續3仗打和，佢哋今季聯賽7次對住前5球隊，6次開5球或或以上，衰在遇強都唔死守，預計今仗又會合演入球騷。