澳職:勝利防守曳唔夠輝

勝利防守曳唔夠輝周五下午澳職上演下游大激鬥，墨爾本勝利主場迎戰珀斯光輝。勝利雖有托禾倫頻頻搶士哥，可惜後防唔爭氣拖累球隊，光輝今季作客未輸過，平手盤抵玩。（MyTVGold302、Now639、有線615及655台周五下午4時30分直播）傳統勁旅勝利繼季初失落澳足盃之後，聯賽表現持續沉淪，開咧7戰僅取1勝2和4負，賽前只係領先墊底球隊威靈頓鳳凰1分，排喺積分榜尾2，近況衰到貼地。後防甩漏問題正正係勝利今季致命傷，佢哋至今已經失咗11球，係聯賽防守表現最差嘅球隊之一，就算瑞典前鋒托禾倫近4仗都有波入都無補於事。珀斯光輝往績佔優上季常規賽盟主珀斯光輝，雖然今季6場聯賽只係贏過榜尾嘅威靈頓鳳凰，不過計埋嗰場，光輝今季3場作客聯賽未輸過，比起主場成績明顯更出色，呢場仲有主力守將阿歷斯格蘭坐完波監復出，整體戰力有所提升。再睇埋對賽往績，兩隊最近4次聯賽碰頭，光輝贏咗3場，當中近2次作客都能夠砌低對手，呢場有望喺今季主場未贏過嘅勝利身上搶到分，平手盤捧得過