意甲:主隊爭前4客軍博上岸 國米安玻里大格鬥

主隊爭前4客軍博上岸國米安玻里大格鬥4哥國際米蘭今晚主場迎戰安玻里。國米上場以1比4不敵拿玻里，錯失鎖定前3機會，不過佢哋今場只要贏波一樣可以攞到歐聯資格，主場出擊唔會手軟；安玻里仲未肯定上岸，為護級亦唔能夠坐以待斃，中位數開3/3.5球照捧大。（myTVGold301、Now638、有線614及654台周一凌晨2時30分直播）國米上場原本只要擊敗拿玻里便可獲得歐聯入場券，可惜佢哋最終大敗1比4，不但被阿特蘭大以較佳對賽成績趕過跌落第4，更被宿敵AC追至剩得1分差距，一旦國米今場失分而AC贏波的話，國米便會被踢出前4，所以今場絕對唔可以放軟手腳。安玻里為護級季尾大爆發，聯賽累積3連勝，現以1分領先尾3嘅熱拿亞，今場贏波就肯定上岸，不過萬一失分，同時熱拿亞擊敗費倫天拿的話，安玻里就會宣告護級失敗，形勢上同國米一樣未可安寢，今場一旦出現入波勢必演變成入球騷，大盤好路。文：笛子波童