南美會盃:哥連泰斯火力差吼細

哥連泰斯火力差吼細周五早上南球盃第2圈首回合大戰連場，阿King同大家度咗條過關心水。首推哥連泰斯將會主場鬥拿拉體育會，巴甲球隊哥連泰斯今季火力一般，尤其由路夫同保斯利一對老將組成嘅鋒線冇乜料到，今場面對拿拉體育會預料戰況膠着，入球細值得留意。哥連泰斯今年初分別從土超比錫達斯同墨超利昂，引入路夫同保斯利兩位前鋒，期望兩位經驗老將可以用入球帶領球隊取得佳績，可惜兩人表現未如理想，巴甲開咧至今5輪加埋只係入得1球，明顯未能擔起進攻大旗。好彩對手拿拉體育會嘅進攻板斧都唔多，近6次作客出戰南美賽事入得2球，其中5仗冇波入。加上哥連泰斯近年出戰南球盃踢法偏保守，近6仗全開2球或以下，相信今場入波唔慌多，入球細捧得過。跟住有蒙特維多流浪主場對切洛的「烏拉圭內戰」。流浪出戰南球盃不嬲慢熱，近9仗8次半場同對手打和，半場和值得再追。最後有富明尼斯主場迎戰國民體育會，哥倫比亞球隊國民體育會出戰南美賽事踢法謹慎，近4仗有3次半場與對手打和，今仗料會照辦煮碗，半場和追得過