亞冠盃:紅鑽主守細困北京

紅鑽主守細困北京今晚亞冠盃G組尾輪爆發生死戰，浦和紅鑽於主場火併FC北京。雙方要力爭呢組最後1個出線席位，若果FC北京今仗取得有入球嘅和波即晉級，因此紅鑽一定踢得更保守，加上近年對親中超球隊例少交收，寧捧中位數2.5球嘅入球細。（Now670、有線651及611台周二晚6時直播）先講講G組形勢，榜首全北汽車已提早出線，緊隨其後嘅浦和紅鑽與FC北京同得7分，為爭出線「兩個只能活一個」，當然今仗邊隊贏就肯定晉級，如果打和的話，就要視乎有冇波入，由於首循環交手悶和0比0，假如FC北京今場作客取得入球，便可憑對賽較多作客入球而晉級。相反，假如打和0比0嘅話，兩軍喺對賽成績各方面就完全一樣，之後再計總得失球差，紅鑽便以1球之差壓倒對手出線，所以今仗能否保持不失，對紅鑽嚟講係天堂與地獄，一定死守城池。北京射手巴卡保缺態另一邊廂，喺中超所向披靡嘅FC北京，為出線今場至少要取得入球，可惜前鋒巴卡保唔生性，除咗喺今屆亞冠盃作客弱旅武里南聯之役連中三元，其餘4場分組賽皆食白果，遇強隨時又腳仔軟。翻查紀錄，紅鑽近4次喺亞冠盃出戰中超球隊，取得2勝2和只失1粒，全部開2球或以下，絕對守得兩嘴，細盤乃不二之選