歐霸盃:車仔衝冠速決斯拉維亞

車仔衝冠速決斯拉維亞周五凌晨歐霸8強次回合，另一支英超代表車路士，於主場迎戰捷克球隊布拉格斯拉維亞。為爭來屆歐聯席位，車仔對今季歐霸冠軍志在必得，雖然首回合贏1比0，不過對住作風頑强嘅布拉格斯拉維亞不敢怠慢，主場出擊實搶韁，度士我睇好車仔贏波，甚至上半場就已經鎖定勝局。（MyTVGold800、Now644、有線602及662台周五凌晨3時直播）車仔爭英超前4頻頻甩轆，為保證來屆歐聯資格，對歐霸戰線相當重視，事實上，佢哋今屆由分組賽至今11戰獲10勝1和，包括上場8強首回合作客以1比0擊敗布拉格斯拉維亞，其中喺聯賽未受重用嘅法國中鋒基奧特，今屆歐霸個人轟入9球，暫列射手榜首位，呢場隨時再幫「藍戰士」數胡。主場搶韁旺半場斯拉維亞對上2圈淘汰賽作客未輸過，實力絕對唔可以睇小，不過球隊首回合主場輸波，呢場好難收復失地。況且車仔今屆5場歐霸主場贏晒，表現所向披靡，其中近4場有3次半場就取得領先優勢，日前聯賽「紅藍大戰」輸波，車仔肯定攞斯拉維亞出氣，半場主勝值博