澳職:悉尼保老二珀板搶分

悉尼保老二珀板搶分周四澳職獨腳戲，FC悉尼主場鬥珀斯光輝，光輝已經穩奪常規賽冠軍，可以留力專心備戰季後賽：相反悉尼仲要同墨爾本勝利爭做2哥直入季後賽準決賽，戰意、決心贏成條街，加上有主場之利，悉尼讓平半，波童捧上盤。（myTVGold302、Now639、有線615及655台周四下午5時50分直播）珀斯光輝上場1比0擊敗紐卡素噴射機，聯賽剩餘2輪領先2哥FC悉尼8分，提前宣布奪得球會史上首個常規賽冠軍，佢哋今季12場作客聯賽8勝4和未輸過，今場有得受讓表面上好吸引，不過佢哋餘下2輪比賽只係例行公事，為免增添無謂傷兵，影響季後賽調動，相信落場球員都唔會去盡。珀斯光輝勒住避添傷兵澳職常規賽亞軍毋須出戰季後賽淘汰圈，可以直入準決賽，依家FC悉尼只以2分領先排第3嘅勝利，仍需搶分保住2哥位，爭勝決心肯定大過踢風流波嘅光輝。總計常規賽及季後賽，FC悉尼近9次聯賽鬥光輝贏咗8次，今次主場出擊讓平半，上盤值得睇好