英超:護級搏老命卡城讓客收禮

護級搏老命卡城讓客收禮比起冠軍、前4及神射手，今季英超護級形勢似乎較明朗，今晚深夜場補賽名副其實護級大戰，排第17位嘅白禮頓主場鬥排第18嘅卡迪夫城，白禮頓聯賽加盃賽4連敗兼冇入波，加上今場和波對佢哋冇壞，戰意及決心不及非勝不可嘅卡迪夫城，波童捧讓球客勝。（Now621周三凌晨2時45分直播）白禮頓近4仗全敗難靠由於排14位至16位嘅般尼、紐卡素及修咸頓上輪聯賽齊齊贏波，邊隊陪富咸及哈特斯菲爾德降班，相信不離今場兩隊。白禮頓現時比「卡城」多5分兼踢少1場，今場只要唔輸仲有一定優勢，不過佢哋對上4場全敗兼冇入波，狀態極曳，上場對般尼茅夫仲因少打一人而吞夠5蛋，對體力及信心肯定有影響，主場出擊亦未必會壓得太上。卡迪夫城近3場先後輸畀車路士、曼城及般尼，不過對「車仔」及般尼都出現爭議判決，先係「車仔」靠一個明顯越位入波追和跟手贏埋：上次對般尼原本對方手球獲判12碼，點知球證「彈弓手」推翻判決，結果錯失追和機會兼輸多粒，兩場輸波冇分落袋都有啲欠運。「卡城」餘下比賽仲要鬥爭標嘅利物浦及爭前4嘅曼聯，今場輸波幾可提早舉白旗；兩軍近7次交鋒「卡城」只輸過1次，受讓捧讓球客勝