聖日門衛冕咪走“堡”

    聖日門衛冕咪走“堡”

    法甲巴黎聖日門繼續向衛冕之路進發，主場出擊迎戰史特拉斯堡，大巴黎人腳實力高幾班，今戰一勝即向提前封王邁進一大步，聖日門王子公園主場出擊，三分可望手到拿來。

    聖日門近況強勢，國內聯賽盃賽四連勝，士氣十足。聖日門人腳實力肯定佔盡優勢，雖然尼馬、卡雲尼仍缺陣，但麥巴比狀態大勇，配合華拉迪、柏列迪斯、達斯拿等進攻，聖日門火力有保證。後防有泰亞高施華、馬昆奴斯等坐鎮，牌面亦佔優。史軍勇奪法聯盃大振士氣，不過實力始終有差距。聖日門今戰主場出擊，三分到手無走雞。

    聖日門隊長泰亞高施華激勵球隊續為勝利而戰：“教練提醒我們，不能讓任何失利影響信心，沒有比賽是容易，我們必須尊重對手，必須百分百專注，全力踢好每一戰，爭取每一場勝利，勝利是唯一目標。”

    里爾守次攻蘭斯

    次席里爾作客蘭斯，里爾上戰贏波重返勝軌，近五戰三勝一和一負，表現不俗。爭標無望的里爾，現時領先第三的里昂四分，目標最重要仍是守住次席，不過今戰撼蘭斯要贏亦唔易。儘管里爾亦交出四戰客場不敗，但蘭斯主場八戰不敗兼贏五場，幸里爾射手柏比狀態不俗，前線領軍進攻仍有力助里爾搶分。

    另外周五獨腳戲，馬賽作客波爾多，主隊雖然卡斯度尾段被逐，但卡馬奴、迪普雷維利半各入一粒，波爾多二比○擊退客軍。