德甲: 拜仁誓炒奥堡贺啤酒节

拜仁誓炒奥堡贺啤酒节巴伐利亚打吡愈赢愈易周中德甲开快车，今晚先行上演4仗，焦点系拜仁慕尼黑主场对奥格斯堡嘅巴伐利亚打吡战；拜仁开季后所向披靡，加上现时正值慕尼黑啤酒节，新帅尼高高华同一众球员都准备好盛装参与庆祝活动，当然想用主场漂亮胜仗嚟庆祝佳节，加上奥格斯堡近期头头碰着黑，「让球主客和」拜仁让到两球都冇有怕，照捧让球主胜。（Now670及FOX+周三凌晨2时30分直播）慕尼黑啤酒节以前又叫「十月节」，通常喺十月份举行，为期16日，后来因为天气问题（十月份系雨季）而提前喺九月展开，今年嘅啤酒节已经喺上周末开始，直至下月7日先至结束，拜仁喺啤酒节揭幕翌日就作客淨胜史浩克04两球，以好开始庆祝佳节。拜仁职球员习惯穿着传统民族服装参加庆祝活动，睇番过去8年，拜仁喺啤酒节期间从未试过喺德甲输波，今年系新帅尼高高华首度以教练身份参加，当然唔想扫兴啦。事实上，拜仁对奥格斯堡嘅巴伐利亚打吡，近年比数亦愈嚟愈悬殊；拜仁喺过去7次交锋全胜，去年拜仁主场两斗奥格斯堡，分别大胜6比0同3比0，今年作客亦大炒4个1皮，可以话完全冇得挥。拜仁开季后接近零犯错，球员为争取上阵机会十分抢缰，只要有机会落场都全力搏杀尽情数胡，就算奠定左胜局都唔会留手。奥格斯堡门将频派胶奥格斯堡开季后阵上表现得相当积极，不过近期十分当黑，近两轮德甲面对缅恩斯同云达不来梅，佢的嘅形势都系佔优一方，可惜两场波都因为门将基尔化嘅严重犯错，搞到1分都攞唔到，认真洩气。赛后奥格斯堡经过会议，仲打算继续畀机会呢位门将重拾信心，不过今晚作客慕尼黑遇上实力更强大嘅拜仁，基尔化要走出阴霾将会更加困难，预期拜仁可以继续大胜。