友誼賽: 比利时开苏壮行色

比利时开苏壮行色周六凌晨热身赛，苏格兰主场硬撼比利时。比利时今夏喺世盃勇夺季军，尤其以维顿汉、韦素、夏萨特同卢卡古等为首嘅「黄金一代」大熟大勇，面对实力一般嘅苏格兰赢两粒话咁易，让球客胜捧得过。（有线603及604台周六凌晨2时45分直播）沉睡多时嘅「欧洲红魔」喺世盃大踢争气波，仲首次打入三甲，靠嘅除左天时地利，「人和」可以话系最重要元素，皆因比利时近年有一批猛将涌现，前线有卢卡古衝锋陷阵，中场又有夏萨特等进攻天才组织攻势，连后防都有维顿汉同「钢门」泰拔高图尔斯坐镇，虽然今仗费兰尼、宾迪基同米洛列特有伤退队，但以佢的「欧洲明星队」咁滞嘅阵容，实力唔会严重走样。况且，下周二佢的就会出战欧国联A级第2组嘅赛事，作客新兴势力冰岛，今仗正好畀呢班球星寓赛于操，迎接呢场硬仗。苏格兰用二线兵未够班相反苏格兰除左新任队长嘅利物浦后卫安德鲁罗拔臣，同今季喺曼联鲜有机会上阵嘅麦汤米尼之外，队中大部分球员都只喺踢苏超同英格兰低组别联赛，整体竞争力根本冇得同比利时斗，尤其呢班波近3次对阵「欧洲红魔」全部输晒，往绩惨淡，呢仗火併强敌估计都凶多吉少，让球客胜值博。