歐國聯: 巴神归位意军大起波兰

巴神归位意军大起波兰藉欧国联省招牌欧国联A级第3组首轮分组赛，意大利主场迎战波兰。意大利无缘俄罗斯世盃后全面改革，今届欧国联正好作为重新省靓招牌嘅好机会；波兰踢法主攻，前锋杀手罗拔利云度夫斯基喺世盃虽然冇货卖，不过近期喺拜仁赛事已重拾射门鞋，波兰近期斗欧洲球队例必多波入，波童捧2.5球入球大。（有线662及602台、奇妙电视77台周六凌晨2时45分直播）意大利缘尽俄罗斯世盃决赛周后，起用前曼城主帅文仙尼执教，文仙尼上任后踢左3场热身赛，分别赢沙特阿拉伯、输畀法国同打和荷兰，成绩不过不失，不过最令人欣慰系球队连续3场都有入波，包括获重召嘅「巴神」巴洛迪利喺对沙特嘅比赛都有入波，有望改善前任教头云度拿执教时锋力不足嘅问题。「罗拔仔」回勇有力驳火波兰喺俄罗斯世盃分组赛出局，喺外围赛入波仲多过C朗嘅罗拔利云度夫斯基更加食白果，表现令人失望，不过这名国家队史上入球王今季开咧后状态回勇，代表拜仁喺德甲及德盃连续上阵3场有士哥，回归国家队有力重振雄风。由于同组对手葡萄牙今次冇选王牌球星基斯坦奴朗拿度入伍，战斗力大减，预计两军为争出线首战必拼尽求3分，特别系缺席世盃嘅意大利更加需要喺主场球迷面前打场翻身仗，既然波兰对上7次斗欧洲球队都开3球或以上，今场捧大最岩数。