英超:水晶宫硬淨唔赦红军

水晶宫硬淨唔赦红军王牌续约稳定军心今晚英超独脚戏，由水晶宫于主场火併利物浦。虽然红军喺首轮大胜弗到漏油，但水晶宫一向都系猪头骨，绝对唔易啃，而且岩岩同王牌韦费特沙夏续约，稳定军心，主场出击实同你打甩髀，红军让唔起1/1.5球，一于要水晶宫下盘。（Now621周二凌晨3时直播）利物浦防线闹中坚荒利物浦喺今季首轮大炒韦斯咸4比0，火力全开。不过红军一向最大问题系防守，佢的在上周放走中坚卡拉云去卡利亚里，洛夫云仲有伤在身，而祖尔麦迪比岩岩好番，就算出得都唔够状态，预计主帅高普会续用华基尔云迪积克，带住客串嘅祖高美斯扼守中路，呢位小将之前打右闸都甩漏多多，转打中坚仲牙烟。韦费特沙夏抢分保证水晶宫系上季英超最神奇球队，开咧头7场输晒兼冇波入，但最终仍能护级成功，中途接手嘅鹤臣功不可没。虽然呢位老帅教唔掂大队，但教中型班特别有心得，以往教富咸同西布朗都护到级，何况系阵容更强嘅水晶宫呢。「老鹤」上周收到喜讯，就系首仗赢富咸有士哥嘅王牌韦费特沙夏，同球队续约至2023年，佢上季联赛攻入9球，创出自己单季最高入波纪录，另有统计指出，沙夏上季10次冇正选披甲嘅联赛，水晶宫全部输晒，而佢有份担正嘅29场，场均攞到1.62分，绝对护级大功臣，因此佢决定留队，的确可以稳定军心。水晶宫上季联赛12次对Big6球队，虽然只得1胜1和10负，但有7场系仅输1粒，包括2斗利物浦，加上两军近11次交手，红军录得6胜1和4负，不过只得2场系赢多过2粒，证明要赢水晶宫都唔会好轻鬆，今仗作客仲要让1/1.5球咁辣，梗系转捧下盘。