英超: 曼城细火渌哈

曼城细火渌哈迪布尼受伤攻力减今晚英超头场之一，曼城主场迎战哈特斯菲尔德。呢场睇落都几强弱悬殊，卫冕嘅曼城开季坚顺，连赢伦敦双雄车路士同阿仙奴，不过主力奇云迪布尼突受重伤，对进攻影响甚大，而且哈特斯菲尔德作客强敌必定死守，「蓝月亮」随时小胜算数，主胜太热冇肉食，转捧中位数3.5球嘅入球细更划算。（Now621周日晚8时30分直播）曼城延续上季嘅王者风范，先喺社区盾以2比0轻取车路士，再喺上周联赛首轮作客赠阿仙奴2蛋，赢得都几轻鬆。不过上周中突然传来噩耗，中场发电机奇云迪布尼练习嗰阵右膝韧带受伤，需要抖3个月，打乱晒主帅哥迪奥拿部署，要知道迪布尼系「蓝月亮」嘅组织核心，冇左佢必令进攻打折扣，另一核心大卫施华又复操冇耐，就算出得都未必够态。哈特斯菲尔德死守顶得两嘴哈特斯菲尔德喺联赛首轮惨败畀车仔0比3，完全系唔够打，呢类弱队遇强即屈，今场作客一定摆铁桶阵，唔望偷鸡抢到分，只求唔大败失少几粒。睇番两军近4次交手，曼城取得2胜2和，认真麻麻，其中有3场开3球或以下，证明哈特斯玩死守顶得两嘴，加上联赛连热身赛在内，曼城近5场只入8球，其中4场开3球或以下，今场好大机会小胜收场，主胜太热见到都唔开胃，转捧入球细（3.5球）好过。