英超: 阿仙奴下盘爆蓝月 新兵做足准备挑战霸权

阿仙奴下盘爆蓝月新兵做足准备挑战霸权英超开锣首周即迎来Big6互片厮杀，由进入「后云格时代」嘅阿仙奴主场迎战卫冕嘅曼城。「兵工厂」可以话系Big6当中备战最充足嘅一队，主要原因系新人事新作风，新帅艾美利想更多时间了解球队，加上阵中主力喺世界盃嘅参与度亦较少，相比起曼城连社区盾都仲未齐脚，乐比认为阿仙奴会有少少优势，主场受让半一，1.73倍下盘可秤先。（Now621周日晚11时直播）常言道「创业难守业更难」，「蓝月亮」曼城上季以破纪录100分赢得英超冠军，领队哥迪奥拿功不可没，但「凡事太尽，缘分定必早尽」，曼城要维持呢股「霸王气势」唔易，尤其今季阵容变化唔大，主要收购仅得马列斯，经过世盃洗礼后，球员能否保持飢饿感有待观察。虽然佢的喺社区盾以2比0轻取车路士，只系对手防线太多问题，曼城表现唔叫得抢镜，据称奇云迪布尼同史达宁两位归队不足一周嘅球员，今仗均可上阵，但状态未必最佳。艾美利花心思斗老对手哥帅Big6之中变化最大就系阿仙奴，新领队艾美利初次登陆英超，但对哥迪奥拿唔会陌生，因为喺佢执教华伦年代已多次同哥帅交手，即使佢从未赢过哥帅，但其部署甚有心思，而且以两队当时人脚嚟讲，艾美利录得4成不败纪录已算唔错，今晚主场唔输畀曼城绝非难事。阿仙奴季前5场热身赛获3胜2和，成绩唔曳，最重要系大部分主力都有参与，令艾美利了解到球员嘅特性同状态，新兵宾特尼奴、柏柏斯达夫普路斯、列治史迪拿、卢卡斯托拉拿及古安杜斯，初步睇都系唔错嘅补强，尤其系卢卡斯托拉拿呢位乌拉圭防中，正正系阿仙奴最需要嘅铁血战士，相信「兵工厂」会有一番新气象，随时会有惊喜畀球迷。