德超盃: 拜仁征法福大报复 尼高高华倒戈抢头彩

拜仁征法福大报复尼高高华倒戈抢头彩新一季德甲仲有成两个礼拜至开锣，不过上届德国盃冠军法兰克福，今晚会喺主场迎战上届德甲冠军拜仁慕尼黑，争夺第20届德国超级盃，比赛法定时间90分钟，若然和波将不设加时，即互射12码决定奖盃谁属，拜仁虽然德甲6连霸，近6届德超盃都有得踢，但只赢左3届，上届仲系靠互射12码至赢多蒙特，今晚作客全场50,000座位爆满嘅法兰克福商业银行球场，客W热到1.31倍唔值博，宁捧有2.3倍嘅中位数3.5球大盘。（Now671、有线652及612台周一凌晨2时30分直播）拜仁喺唔够3个月前嘅德国盃决赛，以1比3输左畀法兰克福，今晚当然有复仇决心，今场焦点系当时带领法兰克福捧盃嘅教练尼高高华，已经过档拜仁，今晚倒戈面对过去两年几并肩作战嘅职球员同球迷，真系百般滋味在心头，但尼高高华话呢个盃对佢嚟讲系极重要嘅头彩！拜仁多名主力踢完世界盃，虽然只有为法国夺冠嘅哥伦天杜利素肯定缺阵，但几名主力罗拔利云度夫斯基、占士洛迪古斯同谢路美保定都状态未足，不过尼高高华向来喜欢用年轻球员，预期刚外借回收嘅基拿比会担正挂帅，佢的岩岩喺热身赛以20比2大炒业馀球队罗塔埃格尔恩，落得场嘅球员都想喺新帅面前留低好印象，今晚争盃场合自然更加肉紧。法兰克福留住列比锡执到法兰克福由新帅晓达领军，人脚变动大，德国盃赢拜仁嘅几位主力包括门将哈迪基、中场奇云保定、翼锋马里奥斯禾夫同中场马斯卡利他投，但成功留住德盃决赛对拜仁梅开二度嘅当红射手列比锡，呢位24岁克罗地亚世盃亚军功臣，暑期曾传出曼联、阿仙奴、热刺、拿玻里甚至拜仁都有兴趣斟佢，结果佢岩岩同球会续约到2022年，连佢嘅旧波士尼高高华都话难以置信，衷心恭喜法兰克福添！法福季前频密踢热身赛催谷状态。睇番两军近5次交锋有4次开出大盘，其中3次总入球更达4球或以上，料今晚会继续驳火。