歐霸盃:格流扫克吼细盘

格流扫克吼细盘谢拉特带兵稳字诀今晚欧霸盃第2圈外围赛次回合，较瞩目之战必属格拉斯哥流浪主场对奥斯积克。「格流」由「神奇队长」谢拉特执教之后，经常踢稳阵波，加上有首回合1球领先优势，今仗返主场真系你急佢唔急，一于捧入球细。（周五凌晨2时45分开赛）有「神奇队长」之称嘅利物浦名宿谢拉特，今夏接手苏超没落豪门格流，正式展开佢执教一队嘅生涯，虽然「谢老四」喺球员时代偏重进攻，远射脚脚七注，但自从执起教鞭后，一改以往敢于冒险嘅作风，经常踢稳阵波，连同首回合作客小胜奥斯积克1比0在内，近3仗欧霸录得2胜1和，其中上圈首回合主场轻取舒古比2比0后，次回合只顾守住优势，最终互交白卷，咁岩得咁跷，呢3仗全开2球或以下，睇得出「谢老四」求稳风格。奥斯积克双箭有伤奥斯积克虽为克罗地亚「2哥」，但首回合有地利亦久攻不下，加上今仗有前锋加斯达及加比积波班因伤上阵成疑，想反扑亦有心无力。格流今仗唔输就可出线，「谢老四」梗系先做好防守，睇定嚟食，入球细有计。般尼做鸭巴甸「细」界另一场值得留意嘅，系般尼主场对鸭巴甸，首回合打和1比1，由于般尼两名门将尼克普比及汤希顿仲养紧伤，今仗改由前曼联门将连迪加特把关，而且有1个作客入球在手，今仗打和0比0都可晋级，预计会踢得更保守，鸭巴甸质素所限，唔慌多波入，捧细更佳。