比甲:布魯日大超班有鑊氣

周末好波連場，阿King又有心水過關貼士醒大家；周日晚上衞冕比甲嘅布魯日將會主場面對奧伊本，布魯日攻力喺聯賽超晒班，尤其佢哋過往對親奧伊本都有大手筆交易，今次坐擁主場之利大勝話咁易，中位數3/3.5球入球大咪錯過。（周日晚8時30分開賽）布魯日上季以12分優勢贏得常規賽冠軍，最終再喺冠軍附加賽脫穎而出，重奪失落一季嘅總冠軍，全靠球隊攻擊點夠多，上季常規賽包括頭號射手艾度拿爾戴亞比在內，有3人入球數字都達雙位數，最終為球隊轟入68球，成為常規賽入波最多嘅球隊。而且布魯日每遇奧伊本都大打對攻戰，近7次交手全開4球或以上，今次主場出擊肯定希望大勝對手，取得聯賽首勝，中位數3/3.5球入球大值博。亨克急先鋒吼半場勝去到周一凌晨，比甲仲有洛格倫主場對亨克，亨克作客經常反客為主，近3次作客面對洛格倫，有2仗半場都搶得領先優勢，今次半場客勝有2.5倍值得追捧。最後再搭一場美職，踢法向來保守嘅西雅圖海灣者，近4仗聯賽全開2球或以下，今場面對作客表現飄忽嘅紐約城，唔會畀對手放肆進攻，中位數2.5球入球細捧得過。（無綫myTVSUPER302台周一清晨5時直播）